بطل فيلم المصير

لو شوفت فيلم المصير بتاع يوسف شاهين أكيد لفت نظرك الممثل أبو عيون زرقا اللي عامل دور الشاب الفرنسي اللي هاجر من فرنسا للأندلس عشان يروح لإبن رشد

وبرده لو شوفت مسلسل لعنة كارما بتاع هيفاء وهبي أكيد لفت نظرك الممثل اللي عمل دور عمر واللي برده عيونه زرقا وشكله أجنبي والغريب بقا إن الإتنين دول نفس الشخص والممثل ده إسمه فارس رحومة وأبوه مصري وأمه نمساوية وعاش أغلب عمره في النمسا وبيمثل هناك لحد دلوقتي ،

فارس ممثل ومخرج وكاتب وكان اول مشاركاته مع يوسف شاهين في فيلم المصير في دور الشاب الفرنسي يوسف وفضل فارس يمثل في النمسا لحد مارجع يمثل في مصر في فيلم ليلة في القمر مع رغدة لكن الفيلم مانجحش ورجع تاني فارس للنمسا لحد سنة 2018 لما بيشارك هيفاء وهبي بطولة

مسلسل لعنة كارما وبيلفت الأنظار ليه بشدة بسبب شكله وأداءه وبعدها عمل مقابلة مع بسمة وهبة في برنامج شيخ الحارة وفاجئ الناس بشخصيته ومن الآخر كده طلع سالك وملوش في جو حاوريني يا كيكة اللي داير عندنا في مصر ده ومن وقتها ماعملش أي حاجة في مصر تاني غير فيلم الغربان بتاع عمرو سعد وأكيد طالع في دور ألماني بس الفيلم لسه مانزلش ،

المهم فارس مركز بقاله فترة في السينما النمساوية ومن أهم أفلامه هو فيلم Die Migrantigen اللي شارك في كتابته وقام ببطولته وفاز عن الفيلم بجائزة رومي اللي تعتبر أكبر جائزة سينمائية في ألمانيا والنمسا ، ياريت يرجع يمثل هنا تاني لإنه كاريزماتيك وينفع في أدوار كتير رغم العربي بتاعه المكسر بس ممكن يطلع في أدوار أجانب لإنه شكله أجنبي ومعاه كذا لغة

كنت سعيدًا حين رأيت أن فيلم “المصير” يعرض في أكثر من مائتي دار عرض داخل أوروبا، وأن بعض الأجانب تغيرت نظرتهم تجاه الإسلام والحضارة العربية، بل أن بعضهم تمنى زيارة مصر بعد مشاهدة الفيلم. هذا عندي أهم من كل الجوائز التي حصلت عليها أو حصل عليها الفيلم.

وهذا يؤكد على أهمية ودور الفن في تغيير الآثار السلبية للسياسة، ويثبت أن الثقافة هي الدفاع الاستراتيجي عن حضارات الأمم، أي أن الفن قادر على الدفاع عن الحضارة وعن التاريخ الذي يتم الطعن فيه وتشويهه.

كتبت وأخرجت الفيلم للرد على كل ما حدث لي بعد فيلم “المهاجر”، وأظن أن كل ما حققه الفيلم من نجاح وتأثير، هو أفضل رد يمكن أن يقدم”.

يوسف شاهين من كتابي “يوسف شاهين.. قصة وطن” ❤

أبطال فيلم المصير في مهرجان كان سنة 1997 الفيلم كان بينافس علي جائزة السعفة الذهبية وكان قصاده أفلام مهمة زي l.a.confedintial لكيفين سبيسي وshe is so lovely لشون بين وجون ترافولتا لكن في النهاية فاز الفيلم الإيراني طعم الكرز بالجائزة ،بالمناسبة الفيلم مصري فرنسي مشترك
“تفوق عليه جماهيريًا وباكتساح فيلم ركيك اسمه إسماعيلية رايح جاي” ،لكن الفيلم إتعرض في عشر دول أجنبية منهم فرنسا وأمركيا وأسبانيا ،يوسف شاهين كان مكسب للسينما المصرية .
ملحوظة الفيلم الإيراني عظيم جدا وله أثر فى نفس من يراه